Un gesto de cercanía y acompañamiento en estos momentos difíciles En marcha la iniciativa telefónica solidaria "Xuntos na mesma barca" en Mondoñedo-Ferrol

(Diócesis de Mondoñedo-Ferrol).-

"Cando teñas ganas, cando te sintas só, cando queiras contar algo, cando precises algunha cousa na que che poidamos axudar… conta connosco, porque sempre hai alguén que está disposto para escoitarte e falar contigo"

Remando xuntos coma sempre…
Sentíndonos moi preto…
Escoitamos e compartimos a Palabra

Estas palabras pronunciadas polo papa Francisco antes da bendición Urbi et Orbi extraordinaria do pasado 27 de marzo, resoaron con especial lucidez e intensidade, naquela chuviosa tarde, nunha Plaza de San Pedro físicamente baleira pero con millóns de  almas unidas e fortalecidas na fe, confiadas na esperanza e comprometidas na caridade.

As imaxes desa xornada, os xestos e palabras do papa Francisco, percorreron o mundo e sacudiron os corazóns ata o punto de facernos máis conscientes e partícipes da universalidade da Igrexa, así como da súa indudable tarefa e imprescindible necesidade.

Á luz deste momento de gracia e con motivo da grave situación que estamos a vivir; desde a delegación de Pastoral da Saúde da nosa diocese, respostando á iniciativa sempre creativa e xenerosa dos responsables da asistencia relixiosa nos hospitais, decidimos poñer os teléfonos dos mesmos a disposición dos enfermos, familiares, persoal deses centros sanitarios e fieis en xeral, ofrecendo o seu servizo, tamén desta maneira, nun xesto máis de cercanía e acompañamento en tan difíciles momentos.

Non pode faltar nesta dura travesía a Palabra de Deus: que nos fala persoalmente, que nos inspira e nos alumea, afianzando o noso camiñar, aínda no medio da tormenta. Por iso, tamén poñemos a disposición de quen nolo pida o libriño “A Boa Noticia de cada día” coas lecturas do Evanxeo de cada xornada, animando a tódolos que o desexen a acollelo e compartilo.

Así, xunto coas nosas oracións e celebracións, tamén achegamos esa presencia sanadora que vén de Cristo, sempre dispostos a escoitar, axudar, consolar e transmitir esperanza.

Que Deus nos bendiga e a Santísima Virxe, Saúde dos Enfermos e Consolo dos Aflixidos nos garde.

Teléfonos de contacto

Aquí tés os teléfonos para chamar cando sintas a necesidade, cando teñas ganas, cando te sintas só, cando queiras contar algo, cando precises algunha cousa na que che poidamos axudar…conta connosco,  porque sempre hai alguén que está disposto para escoitarte e falar contigo…

Responsables da asistencia relixiosa na zona dos hospitais de Ferrol

· Busca do Servicio Relixioso: 460734
· Ana María: 680 420 971
· José Eduardo: 603 292 779
· Victor Manuel: 695 629 576
· Xosé Francisco: 629 865 780

Responsables da asistencia relixiosa na zona do Hospital Público da Mariña

· Xosé Anxo: 619 312 227
· Xefi: 644 815 760

Facilitámosche o Evanxeo de cada día, só tes que pedilo…

Que Deus vos bendiga e vos garde!

👨🏻‍⚕️🏥 Pastoral de la Salud y capellanes de @mondonedoferrol ponen en marcha la iniciativa telefónica 'Xuntos na mesma barca'

☎ Atenderán las llamadas de enfermos, familiares y personal sanitario como gesto de solidaridad y acompañamiento ante #COVID19

🖱 https://t.co/MD0OR8V78Jpic.twitter.com/YTfCUtX0Kv

— Diócesis de Mondoñedo-Ferrol (@mondonedoferrol) April 17, 2020